ҚР-ның орташа білім беруі 2020 жылға қарай жаңартылады – ҚР БҒМ (ФОТО)

«Жаңару білім берудің барлық деңгейін қамтиды. 6-7 жастағы мектеп алды даярлық бағдарламасы біртіндеп бастауыш білім берумен қосылады, сонда 1+11 құрылымы толығымен 12 жылдыққа айналады. Ағымдағы жылы 30 мектепте сынақтар өткізіледі. Келер жылы жаңартылған білім беру құрамына барлық бірінші сыныптар көшіріледі. Сынақ екінші сыныптарда жалғасады, сосын бір уақытта бесінші, тоғызыншы сыныптарда басталады. Осылайша, 2017 жылға қарай екінші сыныптар жаңартылған құрамға көшеді.Жаңартылған білім құрамына толығымен көшу 2020 жылы жүзеге асырылады», – деді А. Сәрінжіпов.

Айта кетерлік жайт, бүгінде Астанада 88 жалпы білім беру мектебі жұмыс істейді, оның ішінде 11 жеке мектеп. 1 қыркүйекте 3600 орынға есептелген тағы 3 мектеп пайдаланылуға беріледі.

Анар Тәңірқұлова