Қазақстан жаңа экономика саясаты жағдайында Ұлт жоспарының бағыттары бойынша жұмыс істейтін болады – ҚР Премьер-Министрі
20 Тамыз, 2015 10:49
Біз жаңа экономика саясаты жағдайында – 5 институционалды реформаның бағыттары бойынша жұмыс істейтін болып шештік, деп хабарлады ҚР Премьер-Министрі Кәрім Мәсімов ОКҚ-да өткен баспасөз конференциясында.
«Әрқашан мұнайдың, металлдың бағасы қымбаттаған уақыт бітті. Біздің болжамымызша алдағы 5-7 жыл біз басқа экономикалық жағдайда өмір сүретін боламыз. Біз мұнай бағасы бір барель үшін 30-дан 50 долларға дейін болатын баға санатында өмір сүруге үйренуіміз керек», - деді К.Мәсімов.
Премьер-Министрдің айтуынша, Қазақстанда өндірілетін мұнай, металл өнімдерінің бағасы өте төмен деңгейде болады. Сондықтан ҚР Үкіметі мен Ұлттық банк бұл жағдайда сәйкесінше қарсы әрекет ету керек.
«Біз жаңа экономика саясаты жағдайында Елбасы Н.Назарбаев айқындап берген – 5 институционалды реформаның бағыттары бойынша жұмыс істейтін болып шештік», - деп баса айтты К.Мәсімов.
Ботагөз Айтжанова
