• Басты
  • НЗМ түлектерінің 91 % республикалық және халықаралық оқу орындарының гранттарына ие болды

НЗМ түлектерінің 91 % республикалық және халықаралық оқу орындарының гранттарына ие болды

19 Тамыз, 2015 17:21
Назарбаев Зияткерлік мектебінің 1699 түлегінің 91 % республикалық және халықаралық оқу орындарының гранттарына ие болды, деп хабарлады «Назарбаев Зияткерлік мектептері» ААҚ басқарма төрайымы Күләш Шәмшидинова.

«Биыл еліміздегі барлық Назарбаев зияткерлік мектептерін 1699 бала бітірді. Бұл осы мектептер ашылғаннан бергі түлектердің ең көп саны. Түлектеріміздің барлығы жоғары оқу орындарына, соның ішінде 300-ден астам бала Астанадағы Назарбаев Университетіне оқуға түсті. 36 бала Назарбаев Университетінің «Foundation» сатысына емес, бірден бірінші курсына  қабылданды. Біздің мектепті бітірген оқушылардың 88 пайызы техникалық, медициналық, химия-математика, билогия бағытында білім беретін факультеттерге түсіп жатыр»,-дейді К.Шәмшидинова.

Бұдан басқа, Назарбаев зияткерлік мектептері түлектерінің 4%-ы көршілес үш елдің ЖОО-ларына түссе, тағы 153 бала 14 елдің халықаралық гранттарына ие болды.

«Биыл мектеп бітірген 61 түлек көршілес үш елдің ЖОО-ларына оқуға түсті. 139 бала 17 ел бойынша университеттер таңдап, оқуға аттанды. Ал, 153 түлегіміз терең білімдерінің арқасында 14 елден ірі-ірі халықаралық білім гранттарына ие болды»,-деп толықтырды  К.Шәмшидинова.

Индира Кауметова

Барлық жаңалықтар