• Басты
  • Н. Назарбаев БҚО-дағы жұмыс сапарының қорытындысы бойынша брифинг өткізді
24 Қазан, 2013 15:06

Н. Назарбаев БҚО-дағы жұмыс сапарының қорытындысы бойынша брифинг өткізді

Бүгін, 24 қазан Мемлекет басшысы Нұрсұлтан Назарбаев Батыс Қазақстан облысындағы жұмыс сапарының қорытындысы бойынша брифинг өткізді, деп Ақорданың баспасөз қызметі хабарлады.
Н. Назарбаев БҚО-дағы жұмыс сапарының қорытындысы бойынша брифинг өткізді

«Менің Батыс Қазақстан облысына сапарым аяқталды. Енді мен Жоғары Еуразиялық экономикалық кеңестің отырысына қатысу үшін Минскіге барамын. Ресей Федерациясының бірқатар өңірімен шекаралас жатқан Батыс Қазақстан облысы үшін интеграция мәселесі өзекті мәселе болып саналады. Облыс тұрғындары өзара сауданы жандандыруды, адамдар мен капиталдың еркін қозғалысын қамтитын өздері үшін тиімді жайттарды тікелей сезінеді. Бүгінгі жағдайда экономикалық интеграцияның объективті қажеттілік екенін тағы да қайталаймын», – деді Қазақстан Президенті.

Мемлекет басшысы интеграциялық процестер қазірдің өзінде тұрақты өсім көрсетіп отырған облыс дамуының қосымша факторы екенін жеткізді.

« Кейбір көрсеткіштер жөнінен облыс республикадағы жетекші өңірлер арасында келеді. Мектепке дейінгі және орта білім беру саласында жақсы көрсеткіштер қамтамасыз етілген. Әлеуметтік нысандар, жолдар салынуда, газдандыру жұмысы жүргізілуде. Осының бәрі облыста лайықты жұмыстар жасалып жатқанын білдіреді. Сонымен қатар мен атап өткен кемшіліктер де бар. Оларды түзету керек. Өңірдің тұрғындарына мен шын жүректен табыс және бақ-береке тілеймін», – деді Нұрсұлтан Назарбаев.         

 

 

 

 

 

ҰСЫНЫЛАДЫ
Барлық жаңалықтар
дерекнама 2050

ШОБ ЖІӨ көлемінің 50 пайызынан артығын өндіреді

Еңбек өнімділігі 126 мың долларға дейін көтеріледі 3-тен 6 жасқа дейінгі балаларды 100 пайыз мектепке дейінгі біліммен қамту

Қазақстан өз нарығын жаңа экологиялық стандарттарға сай келетін жанар-жағармаймен толықтай қамтамасыз етеді

Жалпы экспорт ішінде шикізат емес экспорттың көлемі екі есеге, 2040 жылы үш есеге артады

Әліпбиімізді латын қарпіне көшіру ісі басталады

Қазақстандықтардың 95 пайызы қазақ тілін меңгеруі тиіс

15 пайыз егістік алқаптарына суды үнемдеу технологиялары енгізіледі

Халықты ағын сумен қамту мәселесі шешіледі

Адам басына шаққандағы ЖІӨ көлемі 60 мың долларға көтеріледі

ҚР тұрғындарының үлесі халықтың 70 пайызын құрайды