Алматылықтар мен мегаполис қонақтары үшін Қала күніне 50 шара дайындалды

18 Тамыз, 2015 20:43

Биылғы жылғы мерекенің ауқымы мен тақырыбы әжептәуір өзгерді. Қалалықтарды көптеген дамыту, әдеби, театр және спорт шаралары, жастар кәсіпкерлігі аясындағы, сондай-ақ Алматы қаласының әкімдігі дайындап жатқан дәстүрлі көпшілік іс-шаралар күтуде, деп хабарлады Қазақстан пресс-клубы.

Мерекені алматылықтарға танымал әрі жұрттың ықыласына бөленген «Оркестрлер шеруі» ашады, ол Республика Сарайы алдындағы Абай алаңында 25 – 27 тамыз аралығында өтеді.

Мұнан соң, көпшілікке белгілі ArtbatFest басталады, ол қаланы « Жер тынысы» - «Воздух Земли» деген атпен топтастырылған заманауи өнер шығармаларымен, қазіргі қазақстандық және шет ел суретшілерінің туындыларымен көркейтпек. ArtbatFest бір айдан соң аяқталады

Көптеген іс-шаралардың ішіндегі «Қарбыз фестивалі» 29 тамыз күні Қазақ халық музыка аспаптары мұражайының алдындағы алаңда өтеді; Алматының жер асты орнындағы концерттер «Метродағы музыка» (7-15 қыркүйек); қалалықтарға арналған AppleQest – «Алматының аңыздары мен әпсаналары» (тапсырыс жинау 7 - 12 қыркүйек аралығында, ал ойынның өзі 13 қыркүйекте өтеді ). Ойынның қатысушыларына Алматы музейлеріндегі бірқатар тапсырмаларды орындап, сұрақтарға жауап беруге, кілтін тауып, сұрақ-жауаптың шешуін шешуге тура келеді.

Сонымен қатар, 15 тамызда «Алтын қалам» әдеби фестивалі басталды және қазақстандық жазушылар мен ақындар үшін KALAMGER.KZ интернет-алаңшасы жұмыс істей бастады. Бұдан басқа, Қала күні аясында «KITAP FEST» кітап фестивалі, «Алматы - оқырмандар қаласы», « Әлемнің кілті - кітапта», «Алматының атақты адамдары кітап және кітап оқу туралы» акциялары және «Алматымды жырлаймын» атты тақырыптық кітапханалық іс-шаралар өтеді.

Барлық жаңалықтар