Алматыда алдағы жылу маусымына дайындық 76,1% құрады – әкімдік
17 Тамыз, 2015 17:52
2015 жылдың 15 тамызындағы жағдайға сәкес Алматы бойынша қала шаруашылығының жылу маусымына дайындығы орташа 76,1% құрады, деп хабарлады, әкімдіктің баспасөз қызметі.
Қаланың энергокешен кәсіпорындары 2015 жылдың жөндеу жұмыстарын дер кезінде бастап, белгіленген кестеге сай жүзеге асыруда.
Бүгінде көппәтерлі тұрғын үйлерге жалпыға ортақ есептегіш қондырғыларды орнату 52%-ды құрайды немесе 3 880 қондырғы қойылған, енді тағы да 3 546 қондырғы орнатылуы тиіс. Дебиторлық қарыз көлемі 3,42 млрд. теңге, оның үлес салмағының 60%-ға жуығы немесе 2,25 млрд. теңге жылу энергиясына тиесілі. Өткен жылдың осы кезеңімен салыстырғанда бұл көрсеткіш 16%-ға төмендеген.
