Балаларды біліммен және бос уақытын пайдалы іспен қамту – Ұлттық комиссия міндеті
«ҚР Президенті жанындағы Әйелдер істері мен отбасылық-демографиялық саясат жөніндегі ұлттық комиссия балалар құқығын қорғау мәселесіне ерекше назар аударады. Осы ретте балаларды біліммен және бос уақытын пайдалы іспен қамту мәселесі көтеріліп отыр. Комиссия уәкілетті органдардың және ҮЕҰ өкілдерімен арнайы жұмыс тобын құрды. Қазіргі таңда аталмыш жұмыс тобы Астана, Алматы қалалары мен облыс орталықтарын аралауда», – деді Л. Сулеймен.
Бұдан басқа, балалардың жазғы демалысын ұйымдастыру, сауықтыру және осыған мұқтаж жандарды қамту мәселесі де өте маңызды.
«Ұлттық комиссия мүшелері Орал мен Жезқазған қалаларының балалар-жасөсіпірмдер туризмін дамыту жұмыстарын жоғары бағалап отыр. Мұнда жұмыс бір жүйеге қойлыған, ұлттық комиссия отырысында осы мәселе қарастырылып, сәйкесінше тапсырмалар берілетін болады», – деді ол.
Ботагөз Айтжанова
