• Басты
  • ҚР Парламентінде алкоголь өнімі мен айналымы туралы заң жобасын енгізеді
24 Қазан, 2013 13:15

ҚР Парламентінде алкоголь өнімі мен айналымы туралы заң жобасын енгізеді

ҚР Парламентінде жақын арада «Этил спирті мен алкоголь өнімдерін өндіру мен айналымы жөніндегі кейбір заңнамалық актілерге өзгерістер мен толықтырулар енгізу туралы» заң жобасы енгізіледі, деп мәлімдеді Қазақстанның қаржы министрлігі Салық комитетінің төрағасы Әнуар Жұмаділдаев ҚР Президенті жанындағы Орталық коммуникациялар қызметінің баспасөз конференциясында.
ҚР Парламентінде алкоголь өнімі мен айналымы туралы заң жобасын енгізеді

А.Жұмаділдаевтың айтуынша, Экономика және бюджеттік жоспарлау министрлігінің тарапынан Парламентке алкоголь өнімдеріне акциз төлемін көтеруді қарастыратын заң жобасы тапсырылған. Сонымен 2016 жылға қарай алкоголь өнімдеріне акциз құны 3,1 есеге дейін көтерілмек. 

«Сөзсіз, акциздің өсімімен бірге аталмыш өнім бойынша көлеңкелі айналымның да кеңінен тарайтыны анық. Осыған орай, ҚР Қаржы министрлігінің тарапынан «Этил спирті мен алкоголь өнімдерін өндіру мен айналымы жөніндегі кейбір заңнамалық актілерге өзгерістер мен толықтырулар енгізу туралы» заң жобасы дайындалды. Қазіргі уақытта аталмыш заң жобасы мемлекеттік органдардың келісіміне жіберілді, алдағы уақытта парламентке тапсырылады», - деді Салық комитетінің төрағасы.

Естеріңізге сала кетейік, биылғы жылдың 11 қазандағы ҚР Президентінің қатысуымен өткен ҚР Үкіметінің кеңейтілген отырысында Мемлекет басшысы көлеңкелі экономиканы ауыздықтауда жасалып жатқан жұмыстардың кешеуілдеп жатқанын айтқан. Соның ішінде алкоголь өнімдері айналымын бақылауды күшейтуге бағытталған заң жобасын Парламентке ұсыну 2015 жылға шегерілді.

«Мен айналымды бақылауды күшейтуге нақты тапсырма бердім. Осы мақсатта біз арнайы заң жобасын дайындадық. Енді осы заң жобасының енгізілуі келер жылға шегерілді. Мүмкін, алкоголь барондары жақсы жұмыс істеген болар...», - деген сын айтты Елбасы.

 

 

ҰСЫНЫЛАДЫ
Барлық жаңалықтар
дерекнама 2050

ШОБ ЖІӨ көлемінің 50 пайызынан артығын өндіреді

Еңбек өнімділігі 126 мың долларға дейін көтеріледі 3-тен 6 жасқа дейінгі балаларды 100 пайыз мектепке дейінгі біліммен қамту

Қазақстан өз нарығын жаңа экологиялық стандарттарға сай келетін жанар-жағармаймен толықтай қамтамасыз етеді

Жалпы экспорт ішінде шикізат емес экспорттың көлемі екі есеге, 2040 жылы үш есеге артады

Әліпбиімізді латын қарпіне көшіру ісі басталады

Қазақстандықтардың 95 пайызы қазақ тілін меңгеруі тиіс

15 пайыз егістік алқаптарына суды үнемдеу технологиялары енгізіледі

Халықты ағын сумен қамту мәселесі шешіледі

Адам басына шаққандағы ЖІӨ көлемі 60 мың долларға көтеріледі

ҚР тұрғындарының үлесі халықтың 70 пайызын құрайды