• Басты
  • Қ.Көшербаев: Қызылорда облысында 22 мектеп «Назарбаев Зияткерлік мектебі» үлгісі бойынша қайта жасақталады (ФОТО)
17 Тамыз, 2015 09:12

Қ.Көшербаев: Қызылорда облысында 22 мектеп «Назарбаев Зияткерлік мектебі» үлгісі бойынша қайта жасақталады (ФОТО)

Қызылорда облысында аймақ мұғалымдерінің тамыз конференциясы ҚР білім және ғылым министрі Аслан Сәрінжіповтың қатысуымен өтті, деп хабарлады аймақ әкімдігі.
Қ.Көшербаев: Қызылорда облысында  22 мектеп «Назарбаев Зияткерлік мектебі» үлгісі  бойынша қайта жасақталады (ФОТО)

Конференцияны ашу барысында Қызылорда облысының әкімі Қырымбек Көшербаев атап өткендей, биылдың өзінде Қызылорда облысында 22 білім нысанын салуға 6,5 млрд. теңге бөлінді. Жыл соңына дейін 19 мектеп пен 4 балабақша пайдалануға беріледі. Осылайша Елбасының бізге жүктеген үш тапсырмасы толық орындалуда.

 

«Біріншіден, үш ауысымдық мектептер мәселесі шешілді. Енді Қызылорда облысында үш ауысыммен оқитын мектеп мүлдем жоқ. Екіншіден, апаттық жағдайдағы мектептерді 2016 жылға дейін толық жаңалаймыз. 2013 жылы Қызылордада 25 апаттық мектеп болған болса, оның 14-і қайта салынып, қалған 11 білім ошағын келесі жылдың соңында бітіруді жоспарлап отырмыз. Үшіншіден, Елбасы 2020 жылға дейін «Балапан» бағдарламасын толық жүзеге асыруды тапсырған болатын. Ал біз жыл соңына дейін балаларды 100 пайыз балабақшамен қамтып, бағдарламаны бекітілген уақытынан бұрын аяқтаймыз, - деді облыс әкімі Қ.Көшербаев.

«Менің әкім болған жылдары жеткен жетістіктер ретінде атап өткім келетіні білім беру жүйесі өте қиын болғандықтан қатаң бақылауда болды. Осылайша 22 мектеп «Назарбаев Зияткерлік мектебі» типі бойныша қайта жасақтайтын болдық. Ұстаздар біліктілігін арттыру курстарынан өтеді. Оның үстіне бұл үлкен шығындарды қажет етеді, алайда инвестициялар өзін – өзі болашақта ақтайды», - деп толықтырды Қ.Көшербаев.

Өз кезегінде, Аслан Сәрінжіпов облыс жұртшылығын құттықтап, қызылордалық оқушыларға жаңа оқу жылын ойдағыдай табысты аяқтауға тілектестігін білдірді.

«Елбасы жыл сайын республикада 100 мектеп салуды тапсырған болатын. Бұл жұмыстарды жүзеге асыруда Қызылорда облысы көш бастап келеді. Еліміздегі аймақтар арасында білім саласына үлкен мән беріп, білім ошақтарын ашуда да алдыңғы орында. Осындай білім саласына көрсетілген қамқорлықтың арқасында биыл Сыр өңірінің түлектері Ұлттық біріңғай тестілеудің қорытындысы бойынша алдағы бесінші орынға шықты», - деді А.Сәрінжіпов.

Айта кетерлік жайт, тамыз конференциясы барысында аймақтың бірқатар еңбегі сіңген ұстаздарына құрмет көрестілді, олар «И.Алтынсарин», «Білім саласының құрметті қызметкері» төс белгілерімен және облыс әкімінің құрмет грамоталарымен  және алғыс хаттарымен марапатталды. 

ҰСЫНЫЛАДЫ
Барлық жаңалықтар
дерекнама 2050

ШОБ ЖІӨ көлемінің 50 пайызынан артығын өндіреді

Еңбек өнімділігі 126 мың долларға дейін көтеріледі 3-тен 6 жасқа дейінгі балаларды 100 пайыз мектепке дейінгі біліммен қамту

Қазақстан өз нарығын жаңа экологиялық стандарттарға сай келетін жанар-жағармаймен толықтай қамтамасыз етеді

Жалпы экспорт ішінде шикізат емес экспорттың көлемі екі есеге, 2040 жылы үш есеге артады

Әліпбиімізді латын қарпіне көшіру ісі басталады

Қазақстандықтардың 95 пайызы қазақ тілін меңгеруі тиіс

15 пайыз егістік алқаптарына суды үнемдеу технологиялары енгізіледі

Халықты ағын сумен қамту мәселесі шешіледі

Адам басына шаққандағы ЖІӨ көлемі 60 мың долларға көтеріледі

ҚР тұрғындарының үлесі халықтың 70 пайызын құрайды