• Басты
  • Қытайдағы парадқа аттанар алдындағы ҚР ҚМ құрметті қарауыл ротасының саптық байқауы өтті (ФОТО)

Қытайдағы парадқа аттанар алдындағы ҚР ҚМ құрметті қарауыл ротасының саптық байқауы өтті (ФОТО)

15 Тамыз, 2015 15:58
Бүгін үстіміздегі жылдың 3 қыркүйегінде Пекин қаласында өтетін Екінші Дүниежүзілік соғыстағы жеңістің 70 жылдығына арналған әскери парадқа қатысуға аттанатын Қазақстан Республикасы Қорғаныс министрлігінің құрметті қарауыл ротасының қорытынды саптық байқауы өтті, деп ведомстводан хабарлады.

Алаңда 68665 әскери бөлімінен 100-ден астам әскери қызметші командирімен шығып, сапқа тұрды. «Әскери қызметшінің саптық адымы өз елінің және армияның қуаттын,беріктігі мен мақтанышын көрсете алуы тиіс», - деп түсіндірді өз жауынгерлеріне капитан Мақсат Байжігітов.

Алдағы парадқа әскери қызметшілер бірнеше күн дайындалды, сондықтан қазір олар 100 пайызға дайын. Осы жылдың 17 тамызы күні Пекин қаласына аттанып, кытайлық әскери қызметшілермен бірлескен жаттығуларға кіріседі.

ҚР ҚМ құрметті қарауыл ротасының қатарына қазақстандық армияның бетке ұстар әскери қызметшілері іріктеліп алынды. Еліміздің Қарулы Күштерін олар бірінші таныстырып отырған жоқ. 2002 жылы құрылған рота республикалық деңгейдегі, халықаралық ауқымдағы барлық салтанатты және мерекелік іс-шараларға қатысып келеді. 

Барлық жаңалықтар