ШҚО-да «#Talks2050: Шығыс Қазақстан – бүгін және ертең» форумы өтуде

Аталып өткнедей, #Talks2050 – TED конференция форматындағы бейресми  форум. Шараға қатысушылар Шығыс Қазақстан облысының тұрғындары үшін аймақты дамытудағы қай сала тиімді екенін, мемлекет тарапынан көрсетілген қолдау және негізгі қарқын мен күшті қайда жұмсау қажет екенін біле алады.

Шығыс Қазақстан облысы – даму қарқыны толастамайтынбай өңір. Кенді Алтайдың қойнауынан шыққан түсті металлдар және полиметаллдар аймақ экономикасының негізі. Қазірде ел бойынша инновациялық өнімнің 20%-ы Шығыс Қазақстан облысында шығарылады.

Тау, жазық дала, өзен-көлдер мен ну ормандар – шығыстың шырайын ашқан эко-туризмнің бір тармағы іспетті. Қытай және Ресей елдерімен шекаралас жатқан облыс сауда-экономикалық қарым-қатынастың нығаюына және сауда-саттықтың дамуына зор үлес қосып отыр. Сондай-ақ, машина құрастыру кешені, ағаш өңдеу саласы, тамақ, жеңіл және энергетикалық, құрылыс индустриясы қарқынды дамып отыр.

Дегенмен, облыс аумағында шешімін күткен өзіндік мәселелер де жетерлік. Экономикалық тиімді болып саналатын ауыр өнеркәсіп саласы аймақтың экологиясына кері әсерін тигізіп жатыр. Әр жыл сайын облыс тұрғындарының саны азайып барады. Осы және басқа да сұрақтар «#Talks 2050: Шығыс Қазақстан: бүгін, ертең» форумы барысында қаузалады.

Айта кетерлік жайт, форум ұйымдастырушылары: «Қазақстан 2050» Жалпыұлттық қозғалысы, ҚР Мәдениет және спорт министрлігі. 2015 жылдың алғашқы форумы Атырау, Астана, Петропавл, Шымкент қалаларында өтті. Бүгінгі күнге дейін Өскемен қаласымен қосқанда 5 форум өтетіні жоспарланған жоспарланған.