Қазақстан мен Ресейдің жоғарғы әскери оқу орындарын бітірген түлектер әскери қызметке кірісті (ФОТО)

17 Тамыз, 2015 08:54

Қазақстан Республикасы Қарулы Күштерінің жас офицерлері – Қазақстан мен Ресей Федерациясының жоғарғы әскери оқу орындарының биылғы жылы оқу бітірген түлектері білімдерін тәжірибеде қолдануға дайындалуда.

ҚР Қорғаныс министрлігінің баспасөз қызметінен хабарлағандай, Ақтау қаласындағы «Батыс» өңірлік қолбасшылығына қарасты 25744 әскери бөлімінде осы жылдың 9-21 тамызы аралығында жас офицерлер жиыны өтеді. Іс-шараның мақсаты – жас командирлердің әскери қызметке бейімделуі, қажетті әскери дағдыны меңгеріп, оқу орнынан игерген білімін қолдануы болып табылады.

Жиынға 58 жас офицер қатысады. Әскери қызметшілерге арнап әдістемелік сабақтар, сондай-ақ әлеуметтік-құқықтық және штабтық даярлықтар, семинарлар, дәрістер, нұсқаулық-әдістемелік көрсеткіштері және оқу-жаттығу сабақтары өткізіледі.

Естеріңізге сала кетсек, осы аптада «Астана» өңірлік қолбасшылығына қарасты 31775 әскери бөлімінде биыл Алматы қаласындағы жоғарғы әскери оқу орындарын бітірген жас лейтенанттардың он күндік оқу-жаттығу әдістемелік жиыны басталды. Бұл жиынға 15 жас офицер қатысады.

Барлық жаңалықтар