Шетел инвесторы Алматыда фармацевтикалық зауыт ашуға қызығушылық танытуда – ҚР ИДМ

Кездесу барысында инвесторлар Алматыда фармацевтикалық препараттар шығаратын зауыт ашуға дайын екендерін хабарлады. GMP халықаралық стандарттарына сәйкес келетін кәсіпорынның құрылысын ағымдағы жылы бастауды жоспарлап отыр. Өнім ішкі нарыққа және ТМД, Орталық Азия және Шығыс Еуропа елдеріне экспортқа бағытталатын болады.

«Жобаны іске асыру туралы шешім – бұл Қазақстанға фармацевтикалық өнім өндіру саласындағы әлемнің ең ірі компанияларының бірін тарту бойынша көп жылғы келіссөздердің нәтижесі», - деп хабарлады ҚР ИДМ баспасөз қызметі.

Аталып өткендей, компания қант диабеті, орталық жүйке жүйесі ауруларын емдеу үшін дәрі-дәрмектер және антибиотиктер шығаруды жоспарлап отыр. Жобада шетелдік инвестициялар көлемі 11 млрд. теңгені құрайды. 300 жұмыс орны құрылатын болады. Компанияға өткен жылы қабылданған жаңа инвестициялық ынталандырулар берілетін болады.

Естеріңізге сала кетейік, «Hikma Pharmaceuticals» - біртума дәрі-дәрмектерді, сонымен қатар дженериктерді шығаратын және өндіретін жетекші трансұлттық фармацевтикалық компания. Компания бірнеше медициналық бағытта 700-ге жуық дәрі-дәрмектерді өндіреді және әлемнің 50-ден астам елдерінде сатылады. 2014 жылы компанияның түсімі 1,5 млрд. АҚШ долларын, табысы – 282 млн. АҚШ долларын құрады.