Алматы әкімі Наурызбай ауданын дамыту бойынша бірінші кезектегі міндеттерді айқындады
14 Тамыз, 2015 18:23
Бүгін Алматы әкімі Бауыржан Байбек Наурызбай ауданын дамыту мәселелері бойынша тиісті құрылымдар мен бөлімшелердің басшыларын тыңдады. Әкім жоспарланған шығындарды аудан тұрғындарының әлеуетті проблемалары мен қалалықтардың қажеттілігін өтеу тұрғысынан оңтайландыру керектігін атап өтті, деп хабарлады әкімдіктің баспасөз қызметі.
Аталып өткендей, Қала басшысы Наурызбай ауданын дамыту бойынша бірінші кезектегі міндеттерді айқындады. Олар - әлеуметтік нысандар құрылысы, жол салу, электр жарығымен, газбен, жылумен және сумен қамтамасыз ету. Ең алдымен, ауданға емхана қажет, мұнда жалпыбілім беретін мектептер де жеткіліксіз, - деп атап өтті қала басшысы. Жаңа жұмыс орындарын құру үшін инвесторлар тарту жұмысын бұрынғыдан да күшейтуді тапсырды.
«Біздің жұмысымыздың тиімділік өлшемі қалалықтардың қанағаттануы болмақ», - деді сөз соңында қала басшысы.
Сонымен қатар, бүгін әкім Алматының Бас жоспарымен танысып, 2017 жылы өтетін Универсиадаға дайындық барысы туралы есепті тыңдады.
