• Басты
  • Астанада "Мектепке жол" акциясы аясында аз қамтылған 100 отбасыға көмек көрсетілді

Астанада "Мектепке жол" акциясы аясында аз қамтылған 100 отбасыға көмек көрсетілді

14 Тамыз, 2015 19:13
Астана қаласында "Мектепке жол" республикалық қайырымдылық ациясы аясында елорданың аз қамтылған және көпбалалы 100 отбасына жалпы сомасы 1 миллион теңгеге көмек көрсетілді, деп хабарлады елорданың ресми сайты.

Жалпы, акцияның басталған уақытынан бері 30 мыңнан астам балалаға жалпы сомасы 276 миллион 835 мың теңгеге қолдау жасалған болатын.

«"Мектепке жол" акциясы аясында "Алматы" ауданында "Нұрлы жол - нұрлы болашақ" акциясы өткізіліп отыр. Бүгінгі таңда көптеген кәсіпорындар көмек қолын созуда. Әсіресе, "Мейірімділік" қайырымдылық қорын, «Progress KZ» construction company» ЖШС, «Astana Records» продюсерлік орталығын және "Нұр Отан" партиясының "Жас Отан" жастар қанатын атап өткім келеді», - деді Астана қаласы "Алматы" ауданы әкімінің орынбасары Әлихан Қуатбеков.

Акцияның басты мақсаты жетім балаларға, аз қамтылған және көпбалалы отбасылардан шыққан балаларға материалдық демеушілік көрсету болып табылады.

 «Бұл акция көптеген аз қамтылған балаларды мектепке дайындауға үлкен көмек көрсетеді. Бүгін балалар ауылының тәрбиеленушілері де сыйлықтарға ие болып жатыр», -деді Астана қаласы «SOS Балалар ауылының» директоры Зәуреш Арыстанова.

Еске сала кетейік, "Мектепке жол" акциясы тамыздың 1-нен қыркүейктің 30-на дейінгі аралықта өтеді.

Барлық жаңалықтар