ШҚО-да «TALKS 2050» форумында демография мәселесі талқыланады
14 Тамыз, 2015 16:43
ШҚО-да «Talks 2050: Шығыс Қазақстан: бүгін, ертең» форумы барысында экология, демография саласына қатысты шешімін таппай келе жатқан мәселелер талқыланады. Бұл туралы ШҚО-ның Ақпараттық орталығы «Қазақстан 2050» Жалпыұлттық қозғалысының медиа-директоры Қанат Әуесбайға сілтеме жасай отырып хабарлады.
Аталып өткнедей, форум 15 тамызда Өскемен қаласында өтеді. TED форматында өтетін форумға бірнеше спикер қатысып, облыс аумағындағы өзекжарды мәселелерді айтпақ.
«Форум көтерілген мәселелердің шешімін таппайды, шешімін табуға түрткі болады. Сонымен қатар, «Talks 2050» форумына қатысушылар Шығыс Қазақстан облысының тұрғындары үшін аймақты дамытудағы қай сала тиімді екенін, мемлекет тарапынан көрсетілген қолдау және негізгі қарқын мен күшті қайда жұмсау қажет екендігін біле алады, – деді Қанат Әуесбай.
Аталмыш форум осы уақытқа дейін бірқатар қалаларда өткен.
