Алматыда ардагер спортшыларға құрмет көрсетілді (ФОТО)

14 Тамыз, 2015 20:43

Алматы облысының әкімі Амандық Баталов Спорт күні мерекесіне орай ардагер спортшыларды, спорт саласының мамандарын салтанатты жағдайда қабылдады, деп хабарлады Алматы облысынң баспасөз қызметі.

«Ардақты ардагерлер мен спортшылар! Сіздерді Спорт күні кәсіби мерекелеріңізбен құттықтаймын. Президентіміз Нұрсұлтан Әбішұлы Назарбаев халық денсаулығының кілті саналатын дене шынықтыру мен спортқа мемлекет үнемі қамқорлық көрсету қажеттігін атап көрсетті. Елбасының сол тапсырмасын орындау мақсатында Алматы облысында спорт пен дене шынықтыруды дамыту бағытында бірқатар жұмыстар атқарылуда. Материалдық-техникалық базасы нығайтылып, жаңа спорттық объектілер салынып, стадиондар мен спорттық ғимараттар жаңғырылуда. Соның арқасында біздің жас спортшыларымыз бар күш-жігерін жұмсап, түрлі спорттық жарыстарда жоғары көрсеткіштерге қол жеткізіп жүр, - деді өз сөзінде А. Баталов.

Салтанатты жиын соңында облыс басшысы Амандық Баталов алғыс хаттар мен құрмет грамоталарын тапсырды.