Ақтөбеде бос жұмыс орын жәрмеңкесінде 500-ге жуық вакансия ұсынылды
14 Тамыз, 2015 14:48
Ақтөбе қаласының жұмыспен қамту және әлеуметтік бағдарламалар бөлімі жәрмеңкеге 500–дей бос жұмыс орнын ұсынды, деп хабарлады ІСБ.
Жәрмеңкеге қаланың 50 кәсіпорыны қатысты. Атап айтсақ, «АХҚЗ» АҚ, «КАЗХРОМ» АҚ, «Кірпіш зауыты» ЖШС, «Ремпассажирвагон-2» ЖШС, «Актобеэлектросетьстрой» ЖШС, «Энергосистема» ЖШС, «ОксиБилд» ЖШС және т.б.
Аталып өткендей, жәрмеңкеге 429 жұмыссыз азамат жолықты, соның ішінде ер адам – 121, әйел адам –308.
«Жәрмеңке барысында жалпы116 жұмыссыз азаматтарға жолдама берілді. Әлеуметтік жұмыс орындарына - 5, тұрақты жұмысқа - 111 жолдама. 15 адамға заңгерлік кеңес берілді», - делінген хабарламада.
Бос орындар жәрмеңкесінде бөлімнің заңгерлері мен жауапты мамандары жұмыссыз, өзін-өзі қамтумен айналысып жүрген азаматтарды қалада осы жылдың шілде айынан бастап жүзеге асырылып жатқан «Өрлеу» жобасымен таныстырды.
