Rio Tinto Қазақстанда мыс-кеуекті рудаларды барлауға кірісті

13 Тамыз, 2015 19:16

Қазақстанда жұмысқа бірқатар трансұлттық және ірі шетелдік кен игеру компаниялары кірісіп те кетті. Осындай инвесторлардың біреуі «Rio Tinto» австралиялық-британдық концерн болып табылады, ол нарықты капиталдандыру көлемі бойынша әлемдегі екінші кен-металлургия компаниясы, деп хабарлады ҚР Инвестициялар және даму министрлігі.

«Қарағанды облысы Шет ауданының Қорғантас учаскесінде «Rio Tinto» компаниясының инвестициялары мен жаңа технологиялары есебінен мыс-кеуекті кендерге барлау жүргізіліп жатыр. Ағымдағы жылдың шілде айында аэрогеофизикалық түсірілім жасалып алдын ала нәтижелер алынып та қойды. Қазіргі уақытта бұл жерде жер бетілік геологиялық зерттеулер өткізіліп жатыр. Барлау нәтижелері бойынша біздер әлемдік кластағы мыс кен орнын табамыз деп болжап отырмыз», - деп атап кетті «Қазгеология» АҚ Басқарма төрағасы Ғалым Нұржанов.

Естеріңізге сала кетейік, 2013 жылғы ақпан айында «Қазгеология» ұлттық геологиялық барлау компаниясы» АҚ мен «Rio Tinto» британдық тау-кен компаниясы Қарағанды облысының «Балхаш Сарышаған» және «Қорғантас» екі учаскесінде ірі кен орындарын іздестіру бойынша екі бірлескен кәсіпорын құру туралы келісімге қол қойды.

«Rio Tinto» геология мен ресурстарды бағалау саласында алдыңғы қатарлы технологияларды қолдануға бағытталған бірнеше жылдық тәжірибеге ие жаһандық тау-кен компаниясы болып табылады.

Айта кетерлік жайт, қазіргі уақытта Қазақстанда геологиялық барлау саласына әлемдік көшбасшыларды тарту бойынша саясат белсенді іске асырылып жатыр. Осы жұмысқа орай ел қысқа мерзім ішінде үлкен тереңдікте жер қойнауларына зерттеулер жүргізуге мүмкіндік беретін геологиялық барлауда әлемдік технологиялар мен жаңашылдықтарға қол жеткізіп отыр.

Барлық жаңалықтар