ЕАЭО аясында Қырғызстаннан Қазақстанға еңбек миграциясы ашығырақ болады – сарапшы
«Барлық экономикалық процестердегідей Қырғызстанның ЕАЭО-ға енуінде тәуекелдер бар, сарапшылар оны көбіне еңбек миграциясымен байланыстырады. Алайда біздің пайымымызша жағдай соншалықты қиын емес. Атап айтқанда, ЕАЭО-ға Қырғызстанның енуі еңбең ресурсы нарығын кеңейтеді және оларды тарту бойынша жаңа мүмкіндіктер береді. Оның үстіне, ЕАЭО аясындағы интеграция Қазақстанға Қырғызстаннан ағылатын еңбек миграциясын реттеу процессін ашығырақ етуге мүмкіндік береді», – деді Е. Хон.
Оның айтуынша, тағы бір аспекті Қырғызстанның ауылшаруашылығы өнімінің сапасының артуы және Қазақстанның азық-түлік базасының нығаюы.
«Ауыл шаруашылығы Қырғызстанның экономикасында едәуір маңызды рөл атқарады, 2014 жылы оның ЖІӨ-дегі 15% құрады. Уақыт өте келе экологиялық таза және қымбат емес өнімін жеткізуді арттыруы мүмкін, осылайша Қазақстанның азық-түлік базасының нығаяды», – деп атап өтті Е. Хон.
Сонымен қатар, Е. Хон атап өткендей, ЕАЭО-ға Қырғызстанның енуі Қазақстанға геосаяси мүдде жағынан алып қарағанда өте тиімді.
«ЕАЭО-ға Қырғызстанның енуі оңтүстік аймақтардың қауіпсіздігіне оң әсер етеуі мүмкін. Экономикалық жағдай жақсарып, халықтың өмір сүру деңгейі артқаннан кейін аймақтағы әлеуметтік-саяси шиеленіс тәуекелі төмендейді», – деп түйді сарапшы.
Ботагөз Айтжанова
