Қазақстан студенттеріне Қарағанды облысында «Хан Қорық» тарихи фестивалі дайындалуда

Қазақстан ұлттық географиялық қауымдастығы директорының ғылыми және халықаралық жобалар жөнiндегi орынбасары Сәулет Сәкеновтың айтуынша, алғаш рет өткізіліп отырған шараға негізінен Ұлттық жəне Мемлекеттік университеттердің археология, тарих, этнография, мəдениеттану жəне журналистика мамандығында білім алып жатқан студенттер қатыстырылады.

 «Жастар фестивалiне Алматы, Астана, Қарағанды, Жезқазған қалаларынан барлығы жетi университеттiң студенттерi қатысатын болды. 17 тамыз күнi фестиваль қатысушылары Астанадан Жезқазған қаласына жолға шығады. Қарағандыға тоқтап, бiраз зерттеушiлердi ертiп аламыз. Жезқазғанға жеткен соң лагерь тiгiп, келесi күнi фестиваль жұмысын бастаймыз. Фестиваль басталған күнi жастарға тұсаукесер салтын көрсетiп, баланы атқа мiнгiземiз. Фестивальдiң екiншi күнi толықтай Ұлытау өңiрiн тануға, яғни, танымдық экспедицияға арналады. Жастарға Ұлытаудағы қасиеттi мекендердi көрсетiп, тарихи орындардың сырын айтамыз. Үшiншi күнi студенттердiң конференциясын өткiзiп, жастар арасында киiз үй тiгуден жарыс өткiземiз. Бұл студент жастарға өте қызықты жарыс болады деп ойлаймын, себебi, студенттердiң арасында киiз үй тiкпек түгiлi, оны өз көзiмен көрмегендер де бар шығар. Ал, фестиваль аяқталатын күнi Ұлытаудағы қасиеттi шыңға шығамыз, Алтын шоқыға барып, сол жерлердiң тарихымен танысатын боламыз», -  деді сөз басында С.Сакенов.

Оның айтуынша, фестиваль аясында студенттердiң ғылыми конференциясы өткiзіледi. Қазақстан ұлттық географиялық қоғамы тарапынан спикерлер баяндама жасайды.

Айта кетерлік жайт, бүгінде а фестивальға қатысатынын  88 адам, яғни, жастар растап отыр.