М. Мұстафин: Елорданың тұрғын үйлері 100%-дай жылу есептегіш құралымен жабдықталған
13 Тамыз, 2015 15:18
Астанада көпқабатты тұрғын үйлерге жылу есептегіш құралын орнату 99,8% аяқталды, деп хабарлады ҚР ҰЭМ табиғи монополияларды реттеу және бәсекелестікті қорғау комитетінің Астана қаласы бойынша департамент басшысы Марат Мұстафин инвестициялық бағдарламалардың жүзеге асырылу барысына арналған баспасөз-турында.
«Инвестициялық бағдарламаның аясында тұрғын үйлерді 100%-дай (99,8%)) жылу есептегіш құралымен жабдықтадық. Өздеріңіз білетіндей, бұл Елбасының тапсырмасы болатын. Астана әзірге жылу есептегіш құралдарын 100% орнатқан жалғыз қала. Айта кетерлік жайт, апатты жағдайдағы 245 үйге құрал орнатылмады, себебі техникалық тұрғыда ол мүмкін емес», - деп сендірді М. Мұстафин.
Басшының айтуынша, бүгінде қалада жылу есептегіш құралын орнатуға міндетті 4 үй ғана қалған.
«Аталмыш құрал арқылы тұтынушы өз көрсеткіштерін бақылайды және қадағылай алады», - деп толықтырды ол.
Индира Кауметова
