ИИДМБ: Атырау қаласында оптикалық кабель өндіру зауыты ашылды

Рәсімге Атырау облысының әкімі Б.С. Ізмұхамбетов, ҚР Парламент Сенатының вице – спикері Кайрат Ищанов, Атырау қаласының әкімі Нурлыбек Ожаев, зауыт басшылары, АО «RBK Bank» өкілдері мен әлеуетті өнім сатып алушылар қатысты.

Жоба аймақтық индустриаландыру картасы аясында жүзеге асырылып отыр. Сонымен қатар зауыт «Бизнестің жол картасы – 2020» бизнесті дамыту мен қолдаудың бірыңғай бағдарламасы аясында субсидияланды (пайыздық мөлшерлеменің 7% мемлекет өтейді). Қаржыландырушы банк - АО «RBK Bank».

Жобаның негізгі мақсаты Республиканың батыс аймағында талшықты – оптикалық кабельді игеру және өңдеу болып табылады. Кабельдік өніммен мемлекеттік мекемелер және көлік, телекоммуникация, мұнай және газ мекемелері қамтамасыз етілетін болады.

Аталып өткендей, бұл зауыт, облыстың 50 тұрғынын жұмыспен қамтамасыз етпек. Жобаның құны 715 млн. теңге. Бір ауысымдық жұмыс уақытында жобаның қуаттылығы – 4500 шақырым болса, үш ауысымдық жұмыс уақытында 11 000 шақырымға дейін өседі деп жоспарлануда. 2017 жылы құрамында мыс қосылған кабель өнімдерін шығару үшін қосымша цехтар құрылысы жоспарланып отыр.

Зауыттың ашылу салтанатында ТОО «ПКФ Континет КО ЛТД» директоры Семен Хван және Атырау политехникалық коледжінің директоры Бакыт Шеркешбаева колледж студенттерінің біліктілігін арттыру және жұмысқа орналастыру мақсатында өзара Меморандумға қол қойды. Айта кетсек зауыт жұмысшыларының басым көпшілігі колледж студенттері болып табылады.