• Главная
  • Қазақстанда 2015 жылғы қаңтар-маусымда халық саны жалпы ел бойынша 123,6 мың адамға өсті – ҚР ҰЭМ
13 августа, 2015 20:43

Қазақстанда 2015 жылғы қаңтар-маусымда халық саны жалпы ел бойынша 123,6 мың адамға өсті – ҚР ҰЭМ

Қазақстанда 2015 жылғы қаңтар-маусымда халық саны жалпы ел бойынша 123,6 мың адамға немесе 0,7% өсті, деп хабарлады ҚР ҰЭМ Сатистика комитеті.
Қазақстанда 2015 жылғы қаңтар-маусымда халық саны жалпы ел бойынша 123,6 мың адамға өсті – ҚР ҰЭМ

Аталып өткендей, 2015ж. 1 шілдеге еліміздегі халық саны 17 541,2 мың адамды құрады, соның ішінде қалалықтар – 9 967,2 мың (56,8%), ауылдықтар – 7 574,0 мың адамды (43,2%) құрады.

«2015ж. қаңтар-маусымда республика халқының табиғи өсімі 2014ж. қаңтар-маусыммен салыстырғанда 0,8 адамға немесе 0,6% артып, 127,2 (126,4) мың адамды құрады. Табиғи өсімнің жалпы коэффициенті 1000 адамға шаққанда 14,62 (14,75) адамды көрсетті», - делінген хабарламада.

Көші-қон полициясы органдары ұсынған келу/кетуді статистикалық есепке алу талондарындағы мәліметтерді өңдеу нәтижесінде, 2015 жылғы қаңтар-маусымда елімізге тұрғылықты тұруға келгендердің тіркелу саны (көшіп-қонушылар) 2014 жылғы қаңтар-маусыммен салыстырғанда 0,7% кеміп, 8 394 адамды құрады. Елімізден кеткен көшіп-қонушылардың тіркелу саны 11,4% көбейіп, 12 028 адамды құрады, көші-қонның айырымы -3 634 адам болды.

Еліміздегі негізгі көші-қон алмасуы ТМД мемлекеттерімен болуда. ТМД елдерінен келгендердің және сол елдерге кеткендердің үлесі, тиісінше, 86,9% және 89,5% құрады. Қарастырылып отырған кезеңде 2014ж. сәйкес кезеңімен салыстырғанда ел ішінде көшіп-қонушылар саны 33,5% көбейіп, 227 977 адамды құрады.

Өңіраралық көшіп-қонушылардың үлесіне еліміздің жалпы ішкі көшіп-қонушылар санының 44,5% тиесілі. Өңіраралық көші-қонның оң айырымы Алматы (23 440 адам), Астана (663 адам) қалаларында және Ақмола (1 351 адам), Қостанай (536 адам), Маңғыстау (174 адам), Атырау (43 адам) облыстарында қалыптасты.