Ұлт жоспарының «Біртектілік пен бірлік» бағытын дамыту – еліміздің әр патриотының міндеті – сарапшы

13 Тамыз, 2015 10:04

Таразда Ұлт жоспарына арналған «Бес институционалды реформаны жүзеге асыру бойынша 100 нақты қадам» дөңгелек үстелі өтті, деп хабарлады Жамбыл облысы ІСБ.

Аталып өткендей, жиында төртінші бағыт «Біртектілік пен бірлік» талқыланды.

«Жиынға облыс әкімдігінің ішкі саясат, тілдерді дамыту, дін істері басқармаларының басшылары, облыстық Қазақстан халқы Ассамблеясының хатшылығы,саяси партиялардың облыстық филиалдарының өкілдері, облыстық, қалалық ардагерлер кеңесінің төрағалары,этномәдени орталықтардың жетекшілері және үкіметтік емес ұйымдар мен қоғамдық бірлестіктердің мүшелері қатысты», - делінген хабарламада.

Кездесу барысында қоғам қайраткері, облыстың құрметті азаматы Жандар Кәрібаев, облыстық Қазақстан халқы Ассамблеясы жанындағы ғылыми-сараптама тобының хатшысы Парида Мамедова, «Жаңару» сыбайлас жемқорлыққа қарсы жалпыұлттық қозғалысы» облыстық филиалының төрағасы Қасымхан Төлендиев ұлттардың татулығының түрлі негіздері хақындағы келелі ойларын ортаға салды.

Сарапшылардың пайымынша, Ұлт жоспарының «Біртектілік пен бірлік» бағытын дамыту – еліміздің әр патриотының міндеті.