13 Тамыз, 2015 09:31

Қызылордада талантты жастарға «Сыр үміті» сыйлығы берілді (ФОТО)

Қызылордада жыл сайын талантты жастарға берілетін «Сыр үміті» сыйлығының салтанатты кеші өтті.

Аймақ әкімдігінен хабарлағандай, дәстүрлі «Сыр үміті» сыйлығы 14-29 жас аралығындағы түрлі салада белсенділігімен көзге түсіп жүрген елдің үкілеген үміттеріне беріледі.

«2011 жылдан бастап өз ісінің көшбасшысы, нағыз патриот 120 белсенді азаматқа «Сыр үміті» сыйлығы табысталған болатын. Биыл да осы үрдіс жалғасын тауып, 30 жасқа лайықты құрмет көрсетілді. Олардың қатарында жетекші инженер, білікті дәрігер, халықаралық дәрежедегі спорт шебері мен өнерпаздар, ауылшаруашылығы саласының мамандары, сондай-ақ жас ғалымдар да бар», - делінген хабарламада.

Айта кетерлік жайт, «Сыр үміті» сыйлығының иегерлері арнайы дипломмен және 150 мың теңге көлемінде сыйақымен марапатталды.

Аймақ басшысы «Сыр үміті» жастар сыйлығының иегерлерін құттықтап, елімізде, оның ішінде облысымызда жастар саясатын жүзеге асыру бағытында ауқымды жұмыс атқарылып жатқанын тілге тиек етті.

«Өздеріңіз білетіндей, Елбасы Қазақстанды әлемдегі ең озық 30 елдің қатарына қосуды мақсат етіп қойды. Ол елдердің экономикасы мен шаруашылығы, халықтың әлеуметтік жағдайы, білімі мен ғылымы едәуір алда. Бірақ олардың көпшілігінің бір үлкен осал жері де бар. Ол – жастарының аздығы. Ал біз болсақ, тез дамып келе жатқан аз ғана жас ұлттың қатарындамыз. Еліміздің әрбір үшінші тұрғыны жасы 30-ға толмаған әлеуметтік және экономикалық тұрғыдан белсенді жастар. Олардың дамуы, қоғамнан өз орнын табам деген талпынысы, Отаншыл ұстанымы мемлекеттің болашағын айқындайды. Біз жастарға үнемі қолдау көрсететін боламыз», - деді облыс әкімі Қ.Көшербаев.

ҰСЫНЫЛАДЫ

Барлық жаңалықтар

дерекнама 2050

ШОБ ЖІӨ көлемінің 50 пайызынан артығын өндіреді

Еңбек өнімділігі 126 мың долларға дейін көтеріледі 3-тен 6 жасқа дейінгі балаларды 100 пайыз мектепке дейінгі біліммен қамту

Қазақстан өз нарығын жаңа экологиялық стандарттарға сай келетін жанар-жағармаймен толықтай қамтамасыз етеді

Жалпы экспорт ішінде шикізат емес экспорттың көлемі екі есеге, 2040 жылы үш есеге артады

Әліпбиімізді латын қарпіне көшіру ісі басталады

Қазақстандықтардың 95 пайызы қазақ тілін меңгеруі тиіс

15 пайыз егістік алқаптарына суды үнемдеу технологиялары енгізіледі

Халықты ағын сумен қамту мәселесі шешіледі

Адам басына шаққандағы ЖІӨ көлемі 60 мың долларға көтеріледі

ҚР тұрғындарының үлесі халықтың 70 пайызын құрайды