ҚР ҚК ӘҚК әуе шабуылына қарсы қорғаныс әскерлері бес зениттік-зымырандық кешенімен толықтырылды (ФОТО)

12 Тамыз, 2015 19:21

Қазақстан Республикасы Қарулы Күштері Әуе қорғанысы күштерінің әуе шабуылына қарсы қорғаныс әскерлеріне ақысыз негізде Ресей Федерациясының Қорғаныс министрлігінен бес С-300ПС қазіргі заманғы зениттік-зымырандық кешен келіп түсті, деп хабарлады ҚР Қорғаныс министрлігі.

Кешен Алматы маңындағы «Жетісу» станциясына теміржол көлігімен жеткізілді.

«С-300ПС зениттік-зымырандық жүйелер жауынгерлік практикалық оқ атуларда сыналады және Қазақстан Республикасының әуе кеңістігін тасалау бойынша жауынгерлік кезекшілікті атқару үшін Қазақстан Республикасы Қарулы Күштері ӘҚК әуе шабуылына қарсы қорғаныс әскерлерінің бағынысты әскери бөлімдеріне жарақтандырылуға берілетін болады», - деді ҚР ҚК ӘҚК әуе шабуылына қарсы қорғаныс әскерлерінің қолбасшысы генерал-майор Нұржан Мұқанов.

Айта кетерлік жайт, С-300ПС зениттік-зымырандық кешені шағын төмен ұшатын нысаналарды жою үшін арналған. С-300ПС зениттік-зымырандық жүйелерді алғаннан кейін әуе шабуылына қарсы қорғаныс әскерлері Қазақстан Республикасының әуе кеңістігін тасалау бойынша күзет пен қорғаныстың қабілеттілігін күшейтеді.

Барлық жаңалықтар