Электронды сот өндірісі бюджет қаржысын айтарлықтай үнемдейді - ҚР ЖС
12 Тамыз, 2015 16:29
Оңтүстік Қазқстан, Алматы, Қызылорда облыстарында «Әкімшілік істерді сотқа «Сот кабинеті» арқылы электронды түрде жіберу сервисінің жаңашылдықтары» тақырыбынмен семинар-кеңестер өтті, деп хабарлады ҚР Жоғарғы сотының баспасөз қызметі.
Семинардың жұмысына жергілікті санитарлық-эпидемиологиялық станциясының, мемлекеттік кірістер, әділет, ішкі істер департаменттерінің, аудандық сот орындаушы ордандарының, БАҚ өкілдері қатысты.
Жалпы, іс-шараны өткізу барысында қатысушыларға «Сот кабинеті» арқылы «Әкімшілік істерді жіберу» ақпараттық электронды сервисінің сотқа құжаттарды электронды түрде беру тәртібі көрнекі түрде таныстырылды.
«Заманауи ақпараттық технологияларды қолдану сот қызметінің қолжетімді, ашық әрі тиімді тәсілдерінің бірі болып табылады. Сондай-ақ, ақпараттық сервистерді қолдану сот кеңсесі қызметкерлерінің ғана емес, сотқа жүгінетін адамдардың да уақытын және бюджет қаржысын айтарлықтай үнемдейді», - делінген хабарламада.
