• Главная
  • Қазақстанның Әскери-әуе күштерінің туы ғарышқа ұшырылады
12 августа, 2015 15:38

Қазақстанның Әскери-әуе күштерінің туы ғарышқа ұшырылады

Қазақстандық ғарышкер Айдын Айымбетов Қазақстан Республикасы Қарулы Күштері Әскери-әуе күштерінің туын өзінің алғашқы ғарышқа ұшуында бірге алып ұшады. Ту оның қазақстандық армиядағы ұшу мансабының бастамасы және аңсаған арманы – ғарышқа ұшуға қол жеткізгенін айқындайтын белгі болып табылады, деп хабарлады ҚР Қорғаныс министрлігі.
Қазақстанның  Әскери-әуе күштерінің туы ғарышқа ұшырылады

«Қазіргі кезде Қазақстандның Әуе қорғанысы күштері бас қолбасшылығы басқармасының өкілдері арқылы Әскери-әуе күштерінің туы ғарышкерге берілді», - делінген хабарламада.

Айта кетерлік жайт, Айдын Айымбетов 1993 жылы «ұшқыш-инженер» мамандығын алғаннан кейін ҚР ҚК Әуе қорғанысы күштеріне қарасты 21751 әскери бөлімінде қызмет атқарып,МиГ-23 және Л-39 ұшуларды орындады.

2002 жылы ұшқыш Қазақстандық ғарышкерлердің жасағына енгізуге ұсынылған болатын. Ол ғарышкерліккеүміткерлер тобының құрамында даярлыққа кірісті.Үш жылдан соң «ғарышкер-сынаушы» біліктілігін алды. 2014 жылы оған «ҚР ӘӘК полковнигі» әскери атағы берілді.

Алдағы «Союз ТМА-18 М» ұшу кемесінде ғарышқа ұшу ағымдағы жылы қыркүйектің басына жоспарланып отыр. Айдын Айымбетов ғарышкер Сергей Волков (Ресей ғарышы) және астронавт Андреас Могенсенмен (Еуропа ғарыш агенттігі) бірге Халықаралық ғарыш станциясына жіберіледі.