З.Баймолдина: ҚР ұлттарының азаматтық құқығын қорғау шаралары – көптеген елдерге үлгі
12 Тамыз, 2015 10:53
Қазақстанның Әділет министрлігі мен Қазақстан халқы Ассамблеясының Хатшылығы бірлесіп ҚХА-20 жылдығына орай «ҚР этносаралық қарым-қатынасты реттеу саласы: жағдайы дәне даму мәселелері» тақырыбымен дөңгелек үстел өткізді.
«Қазақстан посткеңестік кеңістіктегі көптеген мемлекеттерге қарағанда бейбітшілік пен келісімді сақтай алды. Қазақстандағы мемлекеттік саясат өте салмақты және көптеген этномәдени құрылымдар дамып келуде», - деп түсіндірді ҚР әділет министрінің орынбасары Зәуреш Баймолдина дөңгелек үстел барысында.
Вице-министр атап өткендей, барлық ұлттардың азаматтық, саяси, экономикалық, әлеуметтік мәдени құқығын қорғау халықаралық талаптарға сай келеді және өзге мемлекеттер алдында үлгі бола алады.
«Қазақстан халқын біріктіруде басты Қазақстан халқы ассамблеясында, ол елімізде тұрып жатқан барлық этнос пен ұлт өкілдерінің құқығын қорғауда нақты жұмыс істейтін механизм болып табылады», - деді З.Баймолдина.
Ботагөз Айтжанова
