Теміржолшылардың 4 мыңға жуық балалары жазғы демалысын аяқтады – ҚТЖ

Ұлттық компаниядан хабарлағандай, ата-аналар бұрынғы жылдардағыдай жеңілдікпен, он пайыздық қана ақысын төлесе, қалған шығынды Ұлттық компания бюджеті есебінен жабылды.

«Ақмола облысының балалары Бурабайда, Шығыс Қазақстандықтар Өскемен маңындағы «Матросовода», Алматылықтар «Мадагаскар», Қостанайлықтар «Қарағайлыда»,  Павлодарлықтар «Орман ертегісі», Қарағандылықтар «Аққайыңда», Жамбылдықтар «Болашақта», Ақтөбеліктер «Энергетикте», Маңғыстаулықтар «Фламинго» сауықтыру демалыс орындарында тынықты», - делінген хабарламада.

Барлық балалар жазғы демалыстарын аса жайлы да қызықты өткізді. Оларға бес мезгіл тамақ беріліп, белсенді демалыс жағдайы жасалды. «ҚТЖ» ҰК» АҚ  әлеуметтік бағдарламасына теміржолшылардың 7-13 жас аралығындағы балалары тартылды.