ҚР-да жыл басынан бері бөлшек сауда көлемі 2,9%-ға артты – ҚР ҰЭМ

11 Тамыз, 2015 18:39

2015 жылғы қаңтар-шілдедегі бөлшек сауда көлемі өткен жылғы тиісті кезеңмен салыстырғанда 2,9%-ға жоғарылап 3 328,2 млрд. теңгеге жетті, деп хабарлады ҚР Статистика комитетінің баспасөз қызметі.

2015 жылғы қаңтар-шілдеде сауда кәсіпорындары арқылы тауарларды өткізу көлемі 2014 жылғы қантар-шілдегі қарағанда 1 772,2 млрд. теңгені құрады немесе нақты мәні 0,1%-ға төмендеді.

2015 жылғы қаңтар-шілдеде базарлармен және жеке кәсіпкерлермен сауда көлемі өткен жылдың тиісті кезеңімен салыстырғанда нақты мәні 6,6%-ға жоғарылады, аталған өткізу арнасының үлесі бөлшек сауданың жалпы көлемінде 46,8%-ды құрады.

Бөлшек сауда құрылымында азық-түлік емес тауарлар басым (бөлшек сауданың жалпы көлеміне 64,7%). Азық-түлік емес тауарлардың бөлшек саудада өткізілуі өткен жылдың тиісті кезеңімен салыстырғанда 2,9%-ға өсті, азық-түлік тауарлар 2,3%-ға ұлғайды.

Аталып өткендей, 2015 жылғы 1 тамызға бөлшек саудадағы саудамен айналысатын кәсіпорындардың тауарлық қорларының көлемі 313,6 млрд. теңгені құрады, саудадағы күндері – 61 күн.

Бөлшек сауданың жалпы көлеміндегі аса жоғары үлес салмақты 2015 жылы қаңтар-шілдеде республикада Алматы қаласы (28,2%), Астана қаласы (10,8%) және Қарағанды облысы (9,4%) құрады.

Барлық жаңалықтар