ҚР-да 2016 жылы барша әкімшілік мемлекеттік қызметкерлер өздерінің мүмкіндіктерін анықтау жолында кешенді аттестациядан өтеді

11 Тамыз, 2015 16:09

Қазақстанда 2016 жылы барша әкімшілік мемлекеттік қызметкерлерді кешенді аттестатциядан өткізу жоспарлануда, деп хабарлады ҚР Мемлекеттік қызмет істері және сыбайлас жемқорлыққа қарсы іс-қимыл агенттігі Мемлекеттік қызмет және сыбайлас жемқорлық профилактикасы департаментінің басшысы Әли Көмекбаев ОКҚ-да өткен баспасөз конференциясында.

«Мемлекеттік аппараттың кәсібилігін арттырудың басқа тетіктерінің бірі 2016 жылы барша әкімшілік мемлекеттік қызметкерлердің аттестициясын жүргізу болады. Жалпы аттестацияны өткізу кезінде қызметкердің заңнаманы білуі деңгейі ғана емес, сонымен қатар мемқызметкерлердің жеке және кәсіби құзыреті де бағаланады. Бұл тұрғыда адамның өзінің қызметтік міндеттерін тиімді орындауы баста назарда болады. Әкімшілік мемқызметкерлердің құзыретін бағалау үшін тестілеу, ситуациялық тапсырмалар, кеңесу секілді шаралар өткізіледі. Аттестация нәтижесі мемқызметкерлерді дамытудың жоспарын құрудың негізі болмақ»,-деді сөз басында Ә.Көмекбаев

Сонымен қатар, оның айтуынша бұл аттестацияның басты мақсаты қызметкерлердің әлеуетін анықтауға бағытталып отырғанда.

Жалпы, атестация мемлекеттік қызметкерлерлің кәсіби біліктілігін шыңдауға сеп болады.

«Бұлардың барлығы нормативті-құқықтық базада тіркелген, бүгінде ол агенттікпен жасақталуда. Сондай-ақ, жаңа мемлекеттік қызмет туралы және оған қосалқы заңдардың жобасы жасақталған», - деп түйді Ә. Көмекбаев.

Индира Кауметова

Барлық жаңалықтар