Ә.Көмекбаев: 100 қадам аясындағы реформалаудың басты бағыты мемлекеттік аппараттың дербестігін қамтамасыз ету
11 Тамыз, 2015 15:36
Ұлт жоспары «100 нақты қадам» бірінші институционалды реформа аясында реформалаудың басты бағыты мемлекеттік аппараттың дербестігін қамтамасыз ету, деп хабарлады ҚР Мемлекеттік қызмет істері және сыбайлас жемқорлыққа қарсы іс-қимыл агенттігі Мемлекеттік қызмет және сыбайлас жемқорлық профилактикасы департаментінің басшысы Әли Көмекбаев ОКҚ-да өткен баспасөз конференциясында.
«Ұлт жоспары «100 нақты қадам» бірінші институционалды реформа аясында агенттік мемлекеттік қызметті жаңғыртуда. Осы салада басты бағыт мемлекеттік аппараттың дербестігін қамтамасыз ету», - деді ол.
Сонымен қатар, спикер өз сөзінде Елбасы «Нұр Отан» партиясының XVI съезінде әкімшілік мемлекеттік қызмет саяси деңгейіне тәуелді, деп атап өткенін еске салды.
«Бұл тіпті кәсіби шешім қабылдау кезде де тым саясаттандырып жібереді. Сондықтанда мемлекеттік қызметкерлерді кәсіби және дербес ету өте маңызды. Сайлау, әкімдердің ауысуы және т.б. лауазымды қызметкерлдердің ауысуы әкімшілік мемлекеттік қызметтің жұмысына оң әсер ету керек», - деді Ә. Көмекбаев.
Индира Кауметова
