• Басты
  • «Сәтті қадам» жобасының екінші кезеңіне 192 қатысушы өтті
11 Тамыз, 2015 18:56

«Сәтті қадам» жобасының екінші кезеңіне 192 қатысушы өтті

«Сәтті қадам» жобасының астаналық ұйымдастырушы комитеті жобаның жаңа кезеңіне қатысу жөніндегі өтініштерді қарауды аяқтады. Жоба шеңберінде жалпы 1000-нан аса өтініш түсті. Іріктеу нәтижесінде 192 қатысушы екінші кезеңге өтті, деп хабарлады «Нұр Отан» партиясының баспасөз қызметі.
«Сәтті қадам» жобасының екінші кезеңіне 192 қатысушы өтті

«Партияның «Сәтті қадам» жобасы – жас мамандар үшін тиімді әлеуметтік саты болып табылады. Бағдарлама жастарға кәсіби жағынан және тұлға ретінде қалыптасуына, аяққа нық тұруына септігін тигізіп, еліміздің алдыңғы қатарлы ұйымдарында тәжірибе жинақтауларына көмектеседі. «Жас Отан» ЖҚ аталмыш жобаны іске асыра отыра, Елбасы ұсынған 5 институционалдық реформаны жүзеге асыруға өз үлесін қосады. Жоба бойынша жұмыс тапқан қатысушылар, соның дәлелі», - дейді «Жас Отан» ЖҚ төрағасы Нұрлан Сыдықов.

Аталып өткендей, қатысушылар үшін сұхбаттасу 11-13 тамыз аралығында «Нұр Отан» партиясының Орталық аппараты ғимаратында өтетінін хабарлаймыз.

Естеріңізге сала кетейік, «Сәтті қадам» жобасы Қазақстанда 2013 жылдан бері жүзеге асып келеді. «Нұр Отан» партиясы алға қойған жобаға ЖОО мен арнайы оқу орындарын тәмамдаған жастар шақырылады. Жобаның басты мақсаты – еліміздегі ұлттық компаниялары мен мемлекеттік органдарында тағылымдамадан өтуді ұйымдастыру. Жоба қатысушыларды іріктеу, сұхбаттасу, сондай-ақ, тренингтер арқылы кәсіби біліктіліктері мен жеке мүмкіндіктерін қалыптастыруды көздейді.

Барлық жаңалықтар