ҚР ҚК жас офицерлері іс жүзінде өздерінің білімдерін қолдануға дайындалуда
11 Тамыз, 2015 17:31
«Астана» өңірлік қолбасшылығына қарасты 31775 әскери бөлімінде осы жылы Алматы қаласындағы жоғары әскери оқу орындарын тәмамдаған жас лейтенанттардың он күндік оқу-әдістемелік жиындары басталды, деп хабарлады ҚР ҚМ баспасөз қызметі.
Жиынның басты мақсаты жас командирлердің әскери қызметке бейімделуі, қажетті жауынгерлік дағды алу және оқу орындарында алған білімдерін қолдану болып табылады.
Бұл жиынға 15 жас лейтенант қатысады. Жиын шеңберінде көрсетілімді-әдістемелік сабақтар, сондай-ақ әлеуметтік-құқықтық, жауынгерлік және штабтық дайындық, семинарлар, дәрістер, әдістемелік-нұсқаулық, көрсетілімді және оқу сабақтары өтеді.
Бұдан басқа, «Спасск» оқу-жаттығу орталығының полигонында әскери қызметшілер оқ атуда жоғары нәтижелер көрсетті. Жиын ағымдағы жылғы 19 тамызға дейін созылатынын атап өткен жөн.
