Алматы облысында мамандандырылған білім беру ұйымдарының педагогтары үшін педкеңес өтеді

11 Тамыз, 2015 16:58

Алматы облысында Сүлейман Демирель университеті (базасында мамандандырылған білім беру ұйымдарының педагогтары үшін «Жаңа білім беру бағдарламалары, инновациялық және құзыреттілік тәсіл - табысты мектепке қадам» тақырыбында тамыз педагогикалық кеңесі өтеді, деп хабарлады ҚР БҒМ.

Шара ұйымдастырушысы – ҚР БҒМ «Дарын» республикалық ғылыми-практикалық орталығы.

«Педкеңестің мақсаты – Қазақстан Республикасының Президенті Н.Ә. Назарбаевтың 2014 жылғы 11 қарашадағы «Нұрлы жол – болашаққа бастар жол» атты Қазақстан халқына Жолдауында және білім беруді дамытудың 2011-2020 жылдарға арналған Мемлекеттік бағдарламасында айқындалған міндеттерді іске асыру, дарынды балаларға білім берудің мазмұнын жаңарту үшін жағдай жасау бағыттарын анықтау», - делінген хабарламада.

Аталып өткендей, бағдарламада пленарлық отырыс, панельді сессия жұмыстары, инновациялық идеялар панорамасы (облыстардың қабырға материалдарын қорғауы, үлестірмелі-әдістемелік және иллюстративтік-дидактикалық материалдармен алмасуы, көрме ұйымдастыру), тамыз педкеңесінің материалдар жинағын шығару, сонымен қатар «Үздік мамандандырылған білім беру ұйымы» конкурсының жеңімпаздарын марапаттау қарастырылған.

Барлық жаңалықтар