Ж. Құсманғалиева: 100 нақты қадам жобасы елімізді жарқын болашаққа жетелейді
11 Тамыз, 2015 11:23
Ұлт жоспары - 100 нақты қадам жобасы елімізді жарқын болашаққа жетелейді, деп ағынан жарылды «Саясаттанушылар конгресі» қоғамдық бірлестігінің төрайымы, Еуразиялық интеграция институының директоры Жанаргүл Құсманғалиева ОКҚ-да өткен баспасөз конференциясында.
«Ұлт жоспары - 100 нақты қадам жобасы елімізді жарқын болашаққа жетелейді. Ондағы барлық тапсырмаларды біз барлығымыз орындауға міндеттіміз. Елбасы әлемнің дамыған 30 елінің қатарына ену міндетін қойып отыр, осы жолда бізге экономикалық ынтымақтастыққа мүше елдердің стандарттары бағыт береді», - деп түсіндірді ол.
Сонымен қатар сарапшы, қоғамда 100 қадам жоғары бағаланып отырғанын тілге тиек етті.
«Бүгінде Ұлт жоспары – 100 қадамды қоғамдағы сарапшылар қауымы Мемлекет басшысы айқындап берген бұл мақсат-міндеттерді өте жоғары бағалап отыр. Себебі, мұнда еліміздегі ұлттар мен ұлыстар арасында бірыңғай ұлттық татулықты ту етуге басымдықтар берілген», - деп түйді Жанаргүл Құсманғалиева.
