Дубайда «Павлодар» арнайы экономикалық жобасы таныстырылды
23 Қазан, 2013 17:11
Бүгін, 23 қазанда қазақстандық делегат Дубайда Араб әмірлігі аймағындағы ғаламдық еркін сауда және арнайы экономикалық аймақтар жөніндегі халықаралық форумға қатысты, деп хабарлайды Павлодар облысы әкімдігінің баспасөз қызметі.
«Самитте «Павлодар» арнайы экономикалық аймағы таныстырылды. Ол Павлодар өңірінде химиялық, мұнай-химиялық салалар мен экспортқа бағытталған өнімдерді дамытуды іске асыру аясында құрылған», - делінген хабарламада.
Сонымен қатар, арнайы экономикалық аймақ жерінде жоғарғы технологиялы, экологиялық қауіпсіз заманауи технологиялар қолданылады.
Халықаралық форумда Қазақстан делегатының мүшелері Қазақстандағы арнайы экономикалық аймақтың дамуы мен инвестиция тарту қызметтері бағыттарының негізін таныстырды.
