ҚР БҒМ: Өскеменде балалар құқын қорғауға қатысты республикалық семинар өтеді
10 Тамыз, 2015 16:17
2015 жылдың қазан айында Өскемен қаласында балалар құқын қорғауға қатысты республикалық деңгейде семинар өткізу жоспарланып отыр, деп хабарлады ҚР Білім және ғылым министрлігі Балалардың құқын қорғау комитетінің бас сарапшысы Ержан Жиренбай.
«Сала мамандары балалар құқын қорғауға қатысты бірнеше бағыттар бойынша жұмыс жүргізіп жатыр. Мәселен, әлеуметтік зерттеу жұмыстарының нәтижесі бойынша республика көлемінде бірнеше семинар-кеңес ұйымдастырылып, ол жерлерде арнайы методикалық оқулықтар мен сан алуан тақырыптық жадынамалар үлістірілуде», - деді сөз басында
Сонымен қатар, ол алдағы күз айларының бірінде Өскемен қаласында балалар құқын қорғауға қатысты республикалық семинар өткізу жоспарланып жатқанын тілге тиек етті.
«Оған еліміздің ұстаздар қауымы мен балалар құқын қорғауға мүдделі мекемелердің мамандары және халықаралық деңгейде жұмыс істейтін ЮНИСЕФ қорының сарапшылары қатыспақ», - деді бас сарапшы.
Ботагөз Айтжанова
