Алматы облысында «Б» корпусының бос орындарына конкурс өтуде
23 Қазан, 2013 17:06
Алматы облысы Қарасай ауданының конкурстық комиссия отырысында «Б» корпусының бос орындарына үмітті азаматтармен әңгімелесу ұйымдастырылды, деп Мемлекеттік істер жөніндегі агенттіктің баспасөз қызметі хабарлады.
«Аудан әкімдерінің орынбасарлары, аудан әкімі аппаратының жетекшілері сынды лауазым бойынша 10 бос орынға 12 үміткер құжатын тапсырған», - деп хабарламада нақтыланған.
Сарапшы ретінде аудандық мәжіліс депутаты Еділ Қалиев шақырылды.
Агенттіктің мәліметінше, 2 үміткер комиссияның көптеген сұрақтарына жауап бере алмаған.
Ведомствода хабарланғандай, конкурс мемлекеттік қызметке тағайындау тәртіптері бойынша жүзеге асты.
