Б.Бейсенғалиев: 2015 жылы «Самұрық-Қазына» шығын көлемін 405 млрд теңгеге қысқартуды жоспарлауда
10 Тамыз, 2015 12:11
2015 жылы «Самұрық-Қазына»АҚ Елбасының тапсырмасымен шығын көлемін 405 млрд теңгеге қысқартуды жоспарлауда, деп хабарлады «Самұрық-Қазына» АҚ бизнесті дамыту жөніндегі бас директоры Берік Бейсенғалиев ОКҚ-дағы баспасөз конференциясында.
«Қаржыны үнемдеуге келетін болсақ, бұл салада қыруар шаруа атқырылды. Нәтижесінде компаниялар тобы бойынша ағымдағы шығын көлемі 405 млрд теңгеге, жалпы әкімшілік шығындар 55 млрд теңгеге, капиталды салымдар 235 млрд теңгеге қысқарды. Бұдан басқа, белсенді базада емес, яғни инвестициялық қызметке әсер етпейтін кейбір жобалар кешірек мерзімге шегерілуде», - деді Б.Бейсенғалиев.
Естеріңізге сала кетейік, 2015 жылдың 3 тамызында ҚР Президенті Нұрсұлтан Назарбаев үкімет басшысы Кәрім Мәсімовтың және Президент әкімшілігінің жетекшісі Нұрлан Нығматуллиннің қатысуымен жиналыс өткізіп, әлем экономикасындағы тұрақсыздық жағдайында қаржыны үнемдеу қажеттілігі туралы ескертті.
