«Самұрық-Қазына» белсенді инвестор болуды жоспарлауда

10 Тамыз, 2015 11:53

Трансформациялау бағдарламасы шеңберінде «Самыруқ қазына» Қоры пассивті акционер рөлінен белсенді инвестор рөліне өтді жоспарланып отыр, деп хабарлады «Самұрық-Қазына» АҚ бизнесті дамыту жөніндегі бас директоры Берік Бейсенғалиев ОКҚ-дағы баспасөз конференциясында.

«Соңғы үш жыл ішінде экономикалық өсуді қолдау бағытында Қор 15,7 мыңнан астам уақытша және 7,1 мыңнан астам тұрақты жұмыс орындарын құра отырып, $6,9 млрд сомаға 35 жобаны пайдалануға енгізді. 2015 жылы шамамен 11 мыңнан астам уақытша және шамасы 6 мыңнан астам тұрақты жұмыс орнын құра отырып, $5,9 млрд сомаға 20 жобаны пайдалануға енгізу жоспарлануда», - деді Б.Бейсенғалиев.

Оның айтуынша, «Нұрлы жол» инфрақұрылмдық бағдарламасының шеңберінде 7 жоба іске асырылуда – Атырауда мұнай химия өндірісін дамыту үшін еркін экономикалық аймақты құру.

«Трансформациялау бағдарламасы шеңберінде Қордың пассивті акционер рөлінен белсенді инвестор рөліне өтуі жоспарланып отыр. Бұл өндіруші емес секторлардағы инвестицияларды ұлғайта отырып, экономиканың басым секторларына қаражат салуды білдіреді. Жобаларды іріктеу кезінде Қазақстанның экономикасын әртараптандыру, инновациялық құрамдауышы бар жаңа өндірістерді құру, сондай-ақ жаңа технологиялар трансфері басымды болады», - деп толықтырды Б. Бейсенғалиев.

Барлық жаңалықтар