Аралда өрт сөндіру депосының құрылысы басталды
10 Тамыз, 2015 14:48
Арал ауданында ІІ типтік жобадағы 6 шығысқа арналған өрт сөндіру депосының құрылысы басталды, деп хабарлады Қызылорда облысы әкімдігінің баспасөз қызметі.
Аталып өткендей, кешенді салу үшін Арал қаласынан 3 га жер бөлінді.
Өрт депосының құрылысын жүргізу үшін конкурс жарияланды және Қызылорда қаласы «Атамекен» ЖШС жеңімпаз атанып, бүгінгі күнге дейін құрылыс алаңын дайындау, өрт депосының іргетасын құю, бақылау бекетінің ірге тасын қою, қабырғасын тұрғызу жұмыстары қолға алынуда.
«Өрт сөндіру депосы құрылысын аяқтау 2016 жылдың аяғына дейін жоспарланған», - делінген хабарламада.
