Оралда балаларды мектепке дейінгі біліммен қамту 98,1% құрады

10 Тамыз, 2015 16:43

Оралдың мектепке дейінгі мекемелерінде 12 642 бала тәрбиеленуде, оның ішінде 396 бала жекеменшік мекемелерге барады. Балаларды мектепке дейінгі тәрбиемен және біліммен қамту 1–6 жас аралығында – 59 %, 3–6 жас аралығында – 98,1% құрады, деп хабарлады әкімдіктің баспасөз қызметі.

Мектепке дейінгі мекемелер желісі 86 дана, оның ішінде 50 мемлекеттік, 1 мектеп-балабақша, 25 жалпы білім беру мектептеріндегі шағын-орталық, 8 жекеменшік шағын-орталық, 2 жекеменшік балабақша. Жалпы, барлығы 10 жекеменшік ұйымдармен 396 орын жасақталды.

Мектепке дейінгі дайындық сыныптарында 4 097 бала оқытылуда. Ал, балабақшаға орын алуға кезекте 15 727 бала тұр.

Аталып өткендей, қыркүйек айында Зачаганскта жеке инвестициялар есебінен 250 орынға есептелген балабақшаның ашылуы жоспарланған.

Ал, «ЖҚЖК-2020» бағдарламасы аясында 103,4 млн теңгеге №16 «Орман ертегісі» балабақшасына күрделі жөндеу жұмыстары жргізілуде.

Қалада 47 күндізгі жалпы білім беру мектебі және 1 кешкі мектеп жұмыс істеуде.

Бүгінде қаланың білім беру саласына 10,2 млрд теңге бағытталған, бұл сәйкесінше кезеңімен салыстырғанда 7 %-ға артық (9,5 млрд теңге).