• Басты
  • БҚО-ның облыс орталығында жыл басынан бері 2 165 адам жұмыспен қамтылды

БҚО-ның облыс орталығында жыл басынан бері 2 165 адам жұмыспен қамтылды

10 Тамыз, 2015 19:23
Жыл басынан бері Орал қаласында 2 165 адам жұмыспен қамтылды, деп хабарлады әкімдіктің баспасөз қызметі.

Аталып өткендей, оның ішінде тұрақты жұмысқа 947 адам, жастар тәжірибесіне – 174, әлеуметтік жұмыс орындарына  – 68, қоғамдық жұмыстарға жыл басынан бері 10 адам жіберілді. «Жұмыспен қамтудың жол картасы - 2020» бағдарламасының бірінші бағыты бойынша 66 адам жұмысқа орналастырылды, 63-і оқуға жіберілді.

Жұмысқа орналасу мәселесі бойынша мүмкіндігі шектеулі 95 адам өтініш жасады. Жалпы, әлеуметтік қолдау шараларымен 94 мүгедек қамтылды.

2015 жылы 4 бос жұмыс орын жәрмеңкесі өткізілді.

«Өкізілген бос жұмыс орындары жәрмеңкесіне Орал қаласынан 143 жұмыс беруші қатысты, олар 7496 бос жұмыс орнын ұсынды. Оның ішінде тұрақты жұмысқа – 104 адам, әлеуметтік жұмыс орындарына  – 10 адам орналастырылса, жастар тәжірибесіне  – 48 адам, қоғамдық жұмыстарға – 89 адам және оқуға  – 4 адам жіберілді», – делінген хабарламада. 

Барлық жаңалықтар