Й.Кирш: Германияның ОА-дағы энергияны үнемдеу бойынша басты серіктесі - Қазақстан (ВИДЕО)

7 Тамыз, 2015 19:31

Германияның Орталық Азиядағы энергияны үнемдеу мәселелері бойынша басты серіктесі – Қазақстан, деп ағынан жарылды Германияның экономика және энергетика федералды министрлігі халықаралық энергетика саясаты бөлімінің бастығының орынбасары Йорг Кирш «Strategy2050.kz» АА тілшісіне берген эксклюзивті сұхбатында.

«Германияның энергияны үнемдеу, жаңартылған энергия көздері мен энегия тиімділігі саласында тәжірибесі мол. Біздің осы салада жақсы фирмаларымыз бар. Біз өзіміз үшін Орталық Азия нарығын қарастырып отырмыз, оның ішінде сіздің республикаңыз бар. Германияның ОА-дағы энергияны үнемдеу бойынша басты серіктесі – Қазақстан. Біз бірнеше жыл бойы Қазақстанмен жұмыс істеп келеміз, біз энергоаудитті өткізуге көмектестік», - деді Й.Кирш

Оның айтуынша, Қазақстанның энергияны үнемдеу саласында қызықты жобалары бар, сондықтанда неміс кәсіпкерлері жоғары қызығушылық танытуда.

«Біз жақында ғана қазақ-неміс үкіметтерінің Қарағандыға туры аясында 2 неміс фирамасының жұмысымен таныстық. Олар фабрика құрылысына инвестицияны құйып отыр. Біздің фирмаларымыз пайдаға кенелгісі келеді, ол үшін мұнда барлық мүмкіндіктер бар», - деп атап өтті.

Й.Кирш атап өткендей, Германия dena энергетикалық агенттігі арқылы тәжірибемізбен, білімімізбен бөлесетін боламыз.

«Әрине, барлық шарты келісімдердің барлығы тиімді емес., сондықтан біз әріптестерімізбен бірге жұмыс істеудеміз. Сіздер дәл қазір ЭКСПО-2017 көрмесін өткізуге дайындалып жатырсыздар, біз сіздермен тәжірибемізбен, білімімізбен бөлісе аламыз», - деп түйді ол.

Анар Тәңірқұлова

Барлық жаңалықтар