Қазақстанда 2014 жылы кәмелет жасына толмағандар арасында өзіне өзі қол жұмсау 34,2%-ға төмендеді - ДСӘДМ
7 Тамыз, 2015 16:09
2014 жылы Қазақстанда кәмелет жасына толмағандар арасында өзіне өзі қол жұмсау 34,2%-ға төмендеді, деп хабарлады ҚР ДСӘДМ Медициналық көмекті ұйымдастыру департаменті директорының орынбасары Айгүл Тастанова ОКҚ-да өткен брифингте.
А.Тастанованың айтуынша, 2015 жылы енгізілген жоба өзіне өзі қолжұмсау жағдайларын себептерін тереңірек зерттеуді білдіреді. Осындай жобалардың тәжірибесі жақсы нәтиже көрсетті. Зерттеу бірнеше кезеңде өткізіледі: ақпараттық, оқыту және тәуекелдер тобын анықтау.
«2013 жылы Қазақстанда 3506 өзіне өзі қол жұмсау оқиғасы тіркелсе, оның ішінде 292-сі кәмелет жасына толмағандар арасында болды. 2014 жылы бұл көрсеткіштер 3124 және сәйкесінше 192 санын құрады», - деді А.Тастанова.
