«Нұрлы жол»: ҚДБ қостанайлық кондитерлік фабрикасының экспортық жеткізілімін кеңейтуді қаржыландырды

«Қазақстанның даму банкі» Қостанай қаласындағы «Баян сұлу» кондитерлік фабрикасына 5 жыл мерзіммен экспорттық жеткізілімді кеңейту үшін қарыз берді. Құны 2 млрд теңгенің келісім шарты «Нұрлы Жол» жаңа экономикалық саясаты аясында қаржыландырылды. Қаржыландыру шарты ҚР Үкіметінің 2015 жылдың 23 сәуіріндегі №271 қаулысымен бекітілген», - делінген хабарламада.

Аталып өтілгендей, жеңілдетілген несиенің қаржысы шикізат, материалдар мен қаптамаларды сатып алу үшін жұмсалады. Дайын өнім кейін экспортқа шығарылады, басым бөлігі Ресейге жөнелтіледі.

Жалпы, «Баян Сұлу» АҚ жақын он жылда экспорт көлемін кем дегенде екі есе арттыруды көздеп отыр – 2025 жылға қарай 40 000 тоннаға дейін. Осы ретте табыс 2015 жылдың 6,2 млрд теңгеден 2025 жылға қарай 14, 8 млрд теңгеге дейін артады.  

Естеріңізге сала кетейік, ҚР Ұлттық қордан 2015 жылы ҚДБ желісі бойынша 35 млрд теңге бөлінді.