• Басты
  • Таразда «Мәңгілік ел – болашағы біртұтас ұлт» патриоттар форумы өтті

Таразда «Мәңгілік ел – болашағы біртұтас ұлт» патриоттар форумы өтті

7 Тамыз, 2015 20:21
Тараздың Мәдениет үйінде «Мәңгілік ел – болашағы біртұтас ұлт» атты Патриоттар форумы өтті, деп хабарлады Жамбыл облысы әкімдігінің баспасөз қызметі.

Форумның мақсаты Елбасының «Мәңгілік ел» идеясы аясында ұлт бірлігін нығайту, бес халықтық реформаны іске асыруды талқылауда өңірдің барлық патриоттарының басын қосу, Қазақстандағы патриотизмді нығайту мәселелерін талқылау және шешу.

Форумға мемлекеттік органдар, облыстық маслихат депутаттары, үкіметтік емес ұйымдардың, этномәдени орталықтарының өкілдері, мәдениет және өнер қайраткерлері, ғалымдар, ЖОО оқытушылары, азаматтық белсенділер, дәрігерлер, ұстаздар, кәсіпкерлер, спортшылар, ҰОС, Ауған соғысының ардагерлері,  студенттер, барлығы 400-ге жуық адам қатысты.

«Форум соңында міндеттер жүктеліп, қарар қабылданды. Қаралған негізгі міндеттер: «Мәңгілік Ел» Патриоттық актісіне ұсыныстар енгізу, Ұлт жоспарының 4-ші институционалдық реформасын жан-жақты талқылау, қазақстандық патриотизмнің жаңа сипаттамаларының тиімді жақтарын бағалауға ұсыныстар енгізу, «Мәңгілік Ел» жалпыұлттық иядеясын және Ұлт жоспары 100 нақты қадамды түсіндіру жұмыстарын жүргізу, республикалық Патриоттар форумына қатысу үшін өңірлік делегегаттарды ұсыну», - делінген хабарламада. 

Барлық жаңалықтар